Cheiraobagi Laithouda Tougadaba Amadi Touroidaba
1. Cheiraobagi Thaban :
i) Sachifu thagi nongma panba numitta Cheiraogani.
ii) Thagi kum-machana numittki chahi asubabu tankhatkadaba chahi thoktuna Sachifu tharonarabadi ( Sachifu ani panlabadi ) ahanbagi thada Cheiraobagi laithou pangthokloi. Akonbagi thada thaban chumna laithou tougani.
2. Yumang-Keimangbagi Matang :
i) Yum aduda mee siba yaoradi nattraga sageigi naknaba ee-marida meesi-meena yaorabadi Sanamahi Lainingi kanglon matung inna yum mangle. Sibagi matung numit 10ni hek subaga yum sengbagi thouram pangthokani. Yum senglaba matungda laicha afaba Sachifu thagi thaban amada Laithou ac pangthokpa yai.
ii) Angang pokpada yum mangnariba acdi thaina chatnaramdey. “Arang-Apan Fangba” haina singthanaramliba angang pokpagi matangdadi supnagi angang mama adutamak manganic. Hakchangi eerik mangkhibadubu yum mangba kaobatani. Ateidi yum mangdey, Cheiraobagi thouram touba yai, karimata kaidey. Sibatabu hakchang-polang yum ama taibangpandagi mangkhibagi thabung 10ni naopurakpabu hanjanduna numit 10ni yum mangbatani.
3.Laithou Pangthokpagi Matam :
i) Cheiraobagi thouram touba, athenpot katpa, leihun tamba, luklen thaba, firoi-fingam hongba,meira katpa pumnamak yuthak 1dagi yuthak 3 chatpa faobagi manungda ( houjik chatnariba Indian Standard Timeda ayuki pung 9 taba faobagi manungda) haibadi Mangang pungfam asengbada loihouba ngamlabadi khwaidagi fei, khwaidagi mahei chaowe.
ii) Ayuki yuthak 3 (pung 9 taba ) faobagi manungda ngamhoudragana numit yungdringai,Luwang Sitapagi mapung yai yaodringaida loihouba yai. Hendokhrabadi kaya pangdey.
iii) Yamna chaoba thouram langduna laipao taba, lai loukhatpana chingba tourabadi nungthil yuthak 5 taba faobagi haibadi nungthil pung 3 taba faobagi manungda loisangani.
4.ThouramTougadaba Mee :
i) Lainingthou Sanamahibu ningjariba yum-yum adugi yumburel aduna laigi thouram sing tougani.Yumburelna leitrabadi yumburembina nattraga yumgi mee akhangba amana tougani.Toubatabu laiming fangdriba nupa-nupidi laithou ac touba yadey, kanglon khanglabasu touba yadey.
ii) Hakchang sengdaba matamda yumgi kanagumbi nupi amatana laithou ac touba yadey. Tumal oina oina lakpa nupisu khurumjabadi yai laithou adu masana pangthokpadi yadey.Nupasu tumal lourabadi laithou touba yadey.
iii) Tumal louba amasung tumal oina laklibi nupi animak thouram touduna figei sengdoklaba amasung sageigi manungda tinbagi thouram pangthoktuna khut chanabagi pankhei lanthoklaba matungdadi Cheiraobagi thouram pangthokpada akaiba leitre.
iv) Sageigi piba oirabadi, sageigi lainingthou sanamahi khuvam yariba oirabadi sageigi cheiraoba laithou adu tumal louba amadi tumal oina laklibi nupi animakna amatta touba yardrey. Piba oibasu yadrey.
v) Lai-pao taba, lai loukhatpagi thouram yaorabadi maiba-maibi pena khongba chang-e.
5.Cheiraoba Numitta Yadaba :
Chahigi thaban ahouba Lainingthou Sanamahibu khuramjaba numit acda eemung-manung khatna cheinaba, maram leitana yahou thengba, mathou leithokpa, fee amotpa setpa,erujadaba, mayai kaba nisa sijinaba, oktaba nupi-nupa tinaba, akampet ngang-shakpa, fambi kaithokpa, nupi-nupa eetinaba, lambi-lamkhangda khatna cheinaba amatta touba yadey. Numit ac Lainingthou Sanamahibu chetna thagonjaduna taibang panba sembirakpagi,amambabu nganthokpirakpagi laining parei chetpa ngakadaba numit amani.
-----------------------------------------xxx--------------------------------------